فرق الدفاع المدني بالعاصمة المقدسة أمس - جاها ليل اقشر - حيث ان عجيّز مصرية مسنة رقت جبل ابي قبيس المطل على المنطقة المركزية. وكانت العجيّز نشيطة وفسقانه اول ما طلعت يمال العافيه .

المهم الحجه يوم قطعت نصف المسافه انقطع نفسها وغرزت محلها ( لاهي الي طلعت ولاهي الي حولت ) كان تجر الصوت من حــرّ ماتونس ومن شدة الراعه ( يااااااااااا لهوي ) ( الحئووووووني ) ( ياااااااااهريدي ) طالبة النجدة , ويقولون الي ردوا الخبر ان صوتها من قوته صك في اذن فرقة بالدفاع المدني على بعد 50 كيلو .وجاهم راعة وقشر وليل ماهو زين ثم جو فازعين لانقاذه المعتمره وتم رفعها بواسطة الحبال.

الناطق الاعلامي بادارة الدفاع المدني المقدم علي المنتشري اوضح انه تم انقاذ الحرمه المصرية. مشيرا الى ان أحد رجال الدفاع المدني تعرض لاصابات بسيطة وتم علاجه في موقع الحادث. والاخر حصل له حاله نفسية واكتئاب وحمى ويتناول حاليا شراب فيفا دول واحواله زينه يالله لك الحمد .
مهيبا بجميع شركات العمرة توجيه حجاجها ومعتمريها الابتعاد عن المناطق المرتفعة والجبلية ومتابعتهم حتى لا يتوهقوا وترى الكعبه في الارض ماهي في السماء الله لا يبلانا .

سلامات لافراد الدفاع المدني وانشاء الله طهور وماقصرتوا بيض الله وجيهكم .